პირადი მონაცემები
ერთადერთი პირადი მონაცემი, რომელსაც mysmart.ge-ის საიტის ბაზაშა ინახავს თქვენთვის მომსახურების გაწევის მიზნით, თქვენი სახელი და გვარი და საკონტაქტო ტელეფონის ნომერი გახლავთ.
მომსახურების გაწევაში სტანდარტულად იგულისხმება თქვენთვის საბანკო განვადების განაცხადის შევსებაში დახმარება, ხოლო მეორე შემთხვევაში მომსახურების გაწევაში იგულისხმება საიტზე ბარათით ყიდვის სერვისის შეთავაზება და ამ შეთხვევაში ხდება დამატებით მისამართის შენახვა, შეძენილი ნივთის მოწოდების/საკურიერო სერვისის გაწევის მიზნით.
ეს მონაცემები ინახება მსოფლიოს ერთ-ერთი ყველაზე დაცულ სერვერზე, ელ. კომერციის გლობალური ლიდერის მიერ დანერგილი ელექტრონული დაშიფრვისა და განთავსების თანამედროვე ტექნოლოგიების გამოყენებით და ამ მხრივ მომხმარებელს შეუძლია თავი სრულიად უსაფრთხოდ იგრძნოს.
სრული პასუხისმგებლობით ვაცხადებთ, რომ არცერთი მესამე მხარისთვის რომელიმე ამ ინფორმაციის გადაცემა არ ხდება არანაირი მიზნით, გარდა საბანკო ინსტიტუტებისთვის, განვადების განაცხადის განხილვის მიზნისა და ასევე გარდა საქართველოს კანონმდებლობით გათვალისწინებული შესაძლო ფორს-მაჟორებისა.
მომხმარებელი, განვადების გაკეთების მიზნით სახელის, გვარის და ტელეფონის ნომრის შევსების დროს აცხადებს თანხმობას (სპეციალური მოსანიშნი ველის მონიშვნის მეშვეობით), რომ ეს ინფორმაცია მისი სურვილის შემთხვევაში შესაძლოა გადაეგზავნოს მის მიერვე შერჩეულ საფინანსო ინსტიტუტს (კომპანიის მომსახურე ბანკს) განვადების განაცხადის განხილვის დროს.
წესებისა და პირობების შეცვლის შემთხვევაში ამ ცვლილების თარიღი დამატებით მითითებული იქნება ამავე გვერდზე.
წესები და პირობები
შპს მაისმარტი (შემდგომში მასმარტი) და დამკვეთი/კლიენტი ერთობლივად მოიხსენებიან, როგორც მხარეები და ცალ-ცალკე, როგორც მხარე. მხარეები, ადასტურებენ რა მათ უფლებაუნარიანობას და ქმედუნარიანობას იკისრონ ვალდებულებები და ამ მიზნით თანხმდებიან, შემდეგზე:
წინამძღვრები და პირობები
-
მაისმარტი არის ონლაინ მაღაზია, რომელიც მის მართველობაში მქონე ვებ-გვერდების მეშვეობით კლიენტს სთავაზობს სხვადასხვა სახის პროდუქციას.
-
კლიენტი დაინტერესებულია ონლაინ, სახლიდან გაუსვლელად, შეიძინოს ვებ-გვერდზე განთავსებული პროდუქცია. ისურვეს მომხმარებელი სარგებლობს უფასო საკურიერო მომსახურებით მთელი საქართველოს მასშტაბით.
-
შეკვეთის განხორციელება
-
მომხმარებელს ნივთის შეძენა შეუძლია დეპოზოტის განთავსებით. ასევე მაისმარტთან შეთანხმებით შესაძლებელია ნივთის ღირებულების კურიერთან ნაღდი ანგარიშსწორების გზით.
-
ნივთის შესაძენად კლიენტი მაისმარტის საბანკო ანგარიშზე ანთავსებს თანხას დეპოზიტის სახით.
-
კლიენტს შეუძლია ისარგებლოს მაისმარტის პარტნიორი ბანკების განვადების სერვისით და ამ გზით უზრუნველყოს დეპოზიტის განთავსება.
-
ნივთის განვადებით შეძენის სურვილის შემთხვევაში დამკვეთი/კლიენტი დისტანციურად ავსებს განაცხადს განვადების დამტკიცების შესახებ.
-
განვადების დამტკიცების შემთხვევაში, დამკვეთი ვალდებულია 3 სამუშაო დღის განმავლობაში ხელი მოაწეროს განვადების ხელშეკრულებას. ამ ვადის დარღვევის შემთხვევაში კომპანიას უფლება აქვს უარი განაცხადოს ნივთის მიწოდებაზე.
-
განვადების ხელშეკრულებაზე ხელმოწერასთან ერთად, დამკვეთი აძლევს ბანკს დავალებას დამტკიცებული თანხის კომპანიისთვის გადარიცხვის თაობაზე.
ვალდებულებები
-
მაისმარტის, საბანკო ანგარიშზე კლიენტის დეპოზიტის განთავსების მომენტიდან არაუმეტეს 2 სამუშაო დღის განმავლობაში ვალდებულია უზრუნველყოს კლიენტის შეკვეთის დამუშავება. ნივთის კლიენტისთვის მიწოდების ვადა არ უნდა აღემატებოდეს შეკვეთის დამუშავებიდან 10 სამუშაო დღეს.
-
ნებისმიერი სხვა გადახდის მეთოდით შეძენის შემთხვევაში ნივთის მიწოდება ხდება 4-5 სამუშაო დღეში.
-
მომსახურება დასრულებულად ითვლება ნივთის კლიენტისთვის ჩაბარებისთანავე და დეპოზიტის სახით მიღებული თანხიდან დაიფარება ნივთის ღირებულება.
-
კლიენტის მხრიდან მიღებულ ნივთზე პრობლემის დაფიქსირების შემთხვევაში, ის უნდა დაუკავშირდეს კონკრეტული ნივთის საგარანტიო მომსახურე სევისცენტრს. საგარანტიო ვადა მითითებულია კონკრეტული პროდუქტის აღწერაში.
-
კლიენტისთვის ნივთის მიწოდების შეუძლებლობის შემთხვევაში შეკვეთა გაუქმდება და კლიენტს დაუბრუნდება მის მიერ გადახდილი თანხა ან მაისმარტის მოთხოვნით გაუქმდება საბანკო განვადება.
-
შეკვეთის მიღება
-
დამკვეთი ვალდებულია შეკვეთის მიღებისას მოახდინოს მისი ხარისხისა და პარამეტრების შესაბამისობა საიტზე მითითებული შეკვეთის მახასიათებლების გათვალისწინებით.
-
თუ დამკვეთი მიიღებს შეკვეთას ისე, რომ მის მდგომარეობას არ ამოწმებს და არ აყენებს ზოგადი ხასიათის პრეტენზიას დანაკარგებისა და დაზიანების შესახებ, მაშინ საპირისპიროს დამტკიცებამდე ივარაუდება, რომ მიმღებმა ტვირთი ჩაიბარა შეთანხმებულ მდგომარეობაში; თუ საქმე ეხება გარეგნულად შესამჩნევ დანაკარგებსა და დაზიანებებს, დამკვეთი ვალდებულია აღნიშნული პრეტენზია წარადგინოს შეკვეთის ჩაბარების დღესვე, ხოლო გარეგნულად შეუმჩნეველი დანაკარგებისა და დაზიანებების შემთხვევაში – ჩაბარებიდან არა უგვიანეს ერთი კალენდარული დღისა. აღნიშნული წესის დარღვევის შემთხვევაში დამკვეთს აღნიშნული მოთხოვნის წარდგენის უფლება ერთმევა.
-
დამკვეთის მიერ წარდგენილი მოთხოვნა (პრეტენზია) კომპანიას წარედგინება წერილობითი სახით.
-
თუ შეკვეთა ნაკლის მქონეა, დამკვეთის მიერ მოთხოვნის (პრეტენზიის) წარდგენიდან გონივრულ ვადაში კომპანია იმოქმედებს საგარანტიო წესების შესაბამისად.
-
ტრანსპორტირების დროს შეკვეთის დაზიანებისა თუ დაღუპვის შემთხვევაში კომპანია დამკვეთის დავალებით მიმართავს გადამზიდ კომპანიას და ხელშეკრულების პირობების გათვალისწინებით მოსთხოვს ზიანის ანაზღაურებას. აღნიშნული არ ართმევს დამკვეთს უფლებას პირადად აწარმოოს დავა გადამზიდ კომპანიასთან.
მხარეთა პასუხისმგებლობა
-
თითოეულ მხარეს უფლება აქვს მოსთხოვოს მეორე მხარეს ნაკისრი ვალდებულებათა სრული, ჯეროვანი და კეთილსინდისიერი შესრულება.
-
მხარეები იღებენ ვალდებულებას აუნაზღაურონ ერთმანეთს მათ მიერ ნაკისრ ვალდებულებათა სრულად ან ნაწილობრივ შეუსრულებლობის ან არაჯეროვნად შესრულების შედეგად მიყენებული ზიანი კანონმდებლობით დადგენილი წესით, ხოლო ზიანის ანაზღაურება მხარეებს არ ათავისუფლებს ნაკისრი ვალდებულებების შესრულებისგან.
-
კომპანია პასუხს არ აგებს იმ ზიანისთვის, რომელიც გამოწვეულია გადამზიდი კომპანიის ან/და ონლაინ მაღაზიის მართლსაწინააღმდეგო და ბრალეული ქმედებით.
მომხმარებლის უფლებების დაცვის შესახებ საქართველოს კანონით განსაზღვრული მომხმარებლის უფლებებია:
- თუ საქონელი ნაკლის მქონე აღმოჩნდა, მომხმარებელს უფლება აქვს, მოვაჭრეს მოსთხოვოს ნაკლის აღმოფხვრა (საქონლის უსასყიდლოდ შეკეთება ან შეცვლა, ფასის შემცირება) ან გავიდეს ხელშეკრულებიდან.
- საქონლის შეკეთება და შეცვლა მომხმარებლის პირველი რიგის უფლებებია. მომხმარებელს უფლება აქვს, მოვაჭრეს მოსთხოვოს საქონლის უსასყიდლოდ შეკეთება ან შეცვლა, გარდა იმ შემთხვევისა, როდესაც ეს, საქონლის ბუნებიდან გამომდინარე, შეუძლებელია ან არათანაზომიერ ან შეუსაბამოდ დიდ ხარჯს მოითხოვს.
- საქონელი შეკეთებული ან შეცვლილი უნდა იქნეს გონივრულ ვადაში, ისე, რომ მომხმარებელს არ შეექმნას მნიშვნელოვანი შეფერხება საქონლის ბუნებისა და იმ მიზნის გათვალისწინებით, რომლისთვისაც მან ეს საქონელი შეიძინა.
- საქონლის უსასყიდლოდ შეკეთება ან შეცვლა გულისხმობს მოვაჭრის მიერ ყველა ხარჯის (მათ შორის, ფოსტის, სამუშაო ძალისა და მასალების ხარჯების) გაწევას, რომლებიც საჭიროა საქონლის ხელშეკრულებით გათვალისწინებულ პირობებთან შესაბამისობის უზრუნველსაყოფად.
- მომხმარებელს უფლება აქვს, მოითხოვოს საქონლის ფასის შემცირება ან უარი თქვას ხელშეკრულებაზე, თუ არსებობს ერთ-ერთი შემდეგი პირობა:
ა) ამ მუხლის მე-3 პუნქტის შესაბამისად საქონლის შეკეთება ან შეცვლა შეუძლებელია;
ბ) მოვაჭრემ საქონელი გონივრულ ვადაში არ შეაკეთა ან არ შეცვალა და მომხმარებელმა ხელშეკრულების შესრულებისადმი ინტერესი დაკარგა;
გ) მოვაჭრის მიერ საქონლის შეკეთება ან შეცვლა მომხმარებელს მნიშვნელოვან შეფერხებას შეუქმნის.
- მომხმარებელს უფლება აქვს, ხელშეკრულებიდან გასვლის შემთხვევაში მოითხოვოს ხელშეკრულების შეუსრულებლობით მიყენებული ზიანის ანაზღაურება საქართველოს კანონმდებლობით დადგენილი წესით.
- მომხმარებელს არ აქვს უფლება, უარი თქვას ხელშეკრულებაზე, თუ საქონლის ნაკლი უმნიშვნელოა.
- იმის განსაზღვრისას, თუ რამდენად არათანაზომიერია ან შეუსაბამოდ დიდია ხარჯი, გათვალისწინებული უნდა იქნეს შემდეგი პირობები:
ა) საქონლის ან მომსახურების ფასი მისი ხელშეკრულებით გათვალისწინებულ პირობებთან შესაბამისობის შემთხვევაში;
ბ) საქონლის ან მომსახურების ხელშეკრულებით გათვალისწინებულ პირობებთან შეუსაბამობის ხარისხი;
გ) საქონლის ნაკლის მომხმარებლისთვის შეფერხების შექმნის გარეშე აღმოფხვრის ალტერნატიული შესაძლებლობა.
- მომხმარებლის უფლებების დაცვის შესახებ საქართველოს კანონით განსაზღვრული მტკიცების ტვირთი:
თუ მომხმარებელმა საქონლის ნაკლი საქონლის მფლობელობაში მიღებიდან 6 თვის განმავლობაში აღმოაჩინა, საწინააღმდეგოს დამტკიცებამდე იგულისხმება, რომ ნაკლი არსებობდა საქონლის მიწოდებისას, თუ, საქონლის ბუნებიდან ან ნაკლის ხასიათიდან გამომდინარე, ეს შესაძლებელია. ამ შემთხვევაში მტკიცების ტვირთი მოვაჭრეს ეკისრება. თუ მომხმარებელმა საქონლის ნაკლი საქონლის მფლობელობაში მიღებიდან 6 თვის შემდეგ აღმოაჩინა, იმის მტკიცების ტვირთი, რომ ნაკლი არსებობდა საქონლის მიწოდებისას, მომხმარებელს ეკისრება.
გამყიდველი ვალდებულია შეაკეთოს ან შეცვალოს დაზიანებული ტექნიკა მოცემული პირობების შესაბამისად, სერვის-ცენტრში მიღების მომენტიდან 30 სამუშაო დღის განმავლობაში (არ შედის შაბათ-კვირა და ოფიციალური დასვენების დღეები)
კანონისმიერი გარანტია არ ვრცელდება მეწარმე/იურიდიულ პირებზე.
არასამეწარმეო საყოფაცხოვრებო ტექნიკის სამეწარმეო დანიშნულებით გამოყენების შემთხვევაში, პროდუქტის კომერციული საგარანტიო ვადა განისაზღვრება 2 (ორი) თვით.
მომხმარებელთა დაცვის შესახებ კანონის მე-16 მუხლის მიხედვით: მომხმარებლის მიერ საქონლის ნაკლოვანებათა აღმოჩენის შემთხვევაში გამყიდველი /დამამზადებელი/ ვალდებულია დაუყოვნებლივ შეცვალოს იგი, ხოლო გამყიდველის (დამამზადებლის) მიერ საქონლის ხარისხის დამატებითი შემოწმების აუცილებლობის შემთხვევაში – მომხმარებლის მიერ მოთხოვნის წამოყენების მომენტიდან 20 დღის განმავლობაში.
თუ გამყიდველს, დამამზადებელს / მათი ფუნქციების შემსრულებელ საწარმოს/ შესაბამისი მოთხოვნის წამოყენების მომენტში არ აღმოაჩნდა საჭირო საქონელი, მან უნდა შეცვალოს იგი 1 თვის ვადაში.
საქონლის შეცვლისას საგარანტიო ვადა იანგარიშება მომხმარებლისათვის მისი ხელახლა გადა ცემის დღიდან.
დაბრუნების პირობები:
ვებგვერდი მუშაობს „მომხმარებლის უფლებების დაცვის“ კანონთან მკაცრ შესაბამისობაში. „მომხმარებელის უფლებების დაცვის შესახებ“ კანონის მე-13-მე-14 მუხლების თანახმად საიტზე შეძენილი საქონლის დაბრუნება შეგიძლიათ უპირობოდ საქონლის ფიზიკურად მიღების დღიდან 14 დღის განმავლობაში.
ნივთის ფაქტობრივად მიღებიდან 14 დღის გასვლის შემდომ მომხმარებელი კარგავს ნივთის უკან უპირობოთ დაბრუნების უფლებას.
ხელშეკრულებაზე უარის თქმის შემთხვევაში მომხმარებელი ვალდებულია მოვაჭრეს ან მის მიერ განსაზღვრულ მესამე პირს დაუბრუნოს საქონელი ხელშეკრულებაზე უარის თქმის შესახებ შეტყობინების გაგზავნის შემდეგ დაუყოვნებლივ, მაგრამ არაუგვიანეს 7 კალენდარული დღისა, გარდა იმ შემთხვევისა, როდესაც მოვაჭრემ თავად იკისრა საქონლის უკან წაღება.
ხელშეკრულებაზე უარის თქმის შემთხვევაში მოვაჭრე ვალდებულია მომხმარებელს გადახდილი თანხა, აგრეთვე არსებობის შემთხვევაში − მიწოდების ხარჯის ასანაზღაურებლად გადახდილი თანხა დაუბრუნოს სრულად, გაჭიანურების გარეშე, ხელშეკრულებაზე უარის თქმის შესახებ შეტყობინების მიღებიდან არაუგვიანეს 14 კალენდარული დღისა.
მომხმარებელი ვალდებულია გასწიოს უკან დაბრუნების ხარჯი.
უპირობოდ დაბრუნების უფლება არ ვრცელდება 30 ლარამდე ღირებულების პროდუქციაზე.
თუ საქონლის გამოყენება მოხდა მომხმარებლის მიერ იმაზე მეტად რაც არ გულისხმობს საქონლის ბუნების და მახასიათებლების დადგენას საქონლის ღირებულება შემცირდება. წარმოშობილი სხვაობის დაფარვა დაეკისრება მომხმარებელს.
ნასყიდობის ხელშეკრულებაზე უარის თქმის შემთხვევაში მოვაჭრეს უფლება აქვს, უარი თქვას თანხის დაბრუნებაზე მანამ, სანამ საქონელს არ დაიბრუნებს ან მომხმარებლისგან არ მიიღებს საქონლის გაგზავნის დამადასტურებელ დოკუმენტს, იმის მიხედვით, რომელიც უფრო ადრე განხორციელდება, გარდა იმ შემთხვევისა, როდესაც მოვაჭრემ თავად იკისრა საქონლის უკან წაღება.
დასაბრუნებული საქონელი უნდა იყოს წარმოდგენილი სრული კომპლექტაციით, თავდაპირველ შეფუთვაში (არ იგულისხმება შეფუთვის გახსნა), საქონელთან ერთად წარმოდგენილი უნდა იყოს შევსებული საგარანტიო ბარათი გადახდის ქვითართან ერთად.
დაბრუნებულ საქონელს არ უნდა ჰქონდეს:
1) არასანქცირებული შეკეთების კვალი.
2) ფიზიკური დაზიანება.
საქონელი ექვემდებარება დაბრუნებას, გარდა შემდეგი შემთხვევებისა:
- მიწოდებული საქონელი დამზადებულია მომხმარებლის სპეციფიკაციების შესაბამისად ან აშკარად პერსონალიზირებულია;
- მიწოდებული საქონელი მალფუჭადია ან მას მოკლე ვარგისიანობის ვადა აქვს;
- მიწოდებულია ჰერმეტულად დაცული საქონელი, რომლის ჰერმეტულობაც მიწოდების შემდეგ დაირღვა და ამდენად, მისი დაბრუნება შეუძლებელია ჯანმრთელობის ან ჰიგიენური ნორმების დაცვის გამო;
- მიწოდებულია საქონელი, რომელიც მიწოდების შემდეგ, მისი მახასიათებლების შესაბამისად, განუყოფლად შეერწყა სხვა საქონელს;
- მიწოდებულ იქნა დალუქული აუდიო ან ვიდეო ჩანაწერის ან პროგრამული უზრუნველყოფა, რომლის ლუქიც მიწოდების შემდეგ დაირღვა.
დაბრუნების გაფორმების პროცედურა
საქონლის დასაბრუნებლად მომხმარებელმა უნდა შეავსოს ფორმა, რომელშიც უნდა მიუთითოს:
1- შეძენის თარიღი
2- შეკვეთის ნომერი
3 - სახელი, გვარი
4- პირადი ნომერი
5 - საკონტაქტო ტელეფონი
6- დასაბრუნებელი პროდუქტი
7- ერთეულების რაოდენობა
8- პროდუქტის ფასი
9- დაბრუნების მიზეზი (არ არის სავალდებულო)
10- დეფექტის/ნაკლის შემთხვევაში მიუთითეთ დეფექტი/ნაკლი (არ არის სავალდებულო)
11 - მომხმარებლის ხელმოწერა (თუ ფორმა ქაღალდზეა შევსებული)
შევსებული დაბრუნების ფორმა უნდა გაიგზავნოთ (ელექტრონულ) ფოსტაზე mysmart.infocontact@gmail.com ან Facebook-ის ოფიციალურ გვერდზე გაგზავნილ შეტყობინებაში.
მყიდველს ასევე შეუძლია მითითებული მოთხოვნით დარეკოს ცხელ ხაზზე *032242490 და აცნობოს საქონლის დაბრუნების განზრახვის შესახებ.
თანხის დაბრუნება განხორციელდება იმავე გადახდის მეთოდის გამოყენებით, რომელიც მყიდველმა გამოიყენა დაბრუნებული საქონლის შესაძენად, გარდა იმ შემთხვევისა, როდესაც მომხმარებელმა მკაფიოდ შეათანხმა გადახდის სხვა მეთოდის გამოყენება. იმ შემთხვევაში თუ შეკვეთის ფორმაში შეტანილი საქონლის მიმღები და პირი, რომელმაც გადაიხადა ამ საქონლის ღირებულება ორი განსხვავებული პირია, მაშინ თანხა დაუბრუნდება გადამხდელს.
თუ ჩვენი მხრიდან არ იქნება შემოთავაზებული საქონლის დამოუკიდებლად წამოღება, მომხმარებელმა უნდა გამოაგზავნოს საქონელი ან გადმოგვცეს ჩვენ ან პირს, რომელიც ჩვენ მიერ უფლებამოსილია საქონლის მიღებაზე, ზედმეტი შეფერხების გარეშე და ნებისმიერ შემთხვევაში თქვენ მიერ ხელშეკრულებიდან გასვლის შესახებ შეტყობინების დღიდან არაუგვიანეს 5 დღის განმავლობაში.
მომხმარებელს ეკისრება მხოლოდ საქონლის დაბრუნების პირდაპირი ხარჯები, გარდა იმ შემთხვევისა, როდესაც ჩვენ შევთანხმდით ვიკისროთ ეს ხარჯები ან არ ვაცნობეთ მომხმარებელს, რომ მან უნდა იკისროს ისინი.
მომხმარებელი პასუხისმგებელია საქონელისადმი არასათანადო მოპყრობის შედეგად საქონლის ღირებულების ნებისმიერ შემცირებაზე, გარდა იმ შემთხვევისა, როდესაც საქონლის ღირებულება შემცირდა ისეთი სარგებლობის შედეგად, რომელიც დაკავშირებულია საქონლის ბუნების, მახასიათებლებისა და ფუნქციონირების დადგენასთან.
ხელშეკრულების შეწყვეტის შემთხვევაში მომხმარებელმა თავი უნდა შეიკავოს პროგრამული უზრუნველყოფის ან ციფრული სერვისით სარგებლობისა და მესამე პირებისთვის მათი მიწოდებისგან.
თუ მომხმარებელი სარგებლობს მომსახურების ხელშეკრულებიდან გასვლის უფლებით მომსახურების მიღების შემდეგ, მან უნდა გადაუხადოს კომპანიას იმ მომსახურების პროპორციული თანხა, რაც იყო გაწეული იმ მომენტამდე, სანამ მომხმარებელი აცნობებდა კომპანიას ხელშეკრულებიდან გასვლის შესახებ. მომხმარებლის მიერ კომპანიისთვის გადასახდელი პროპორციული თანხა გამოითვლება ხელშეკრულებაში შეთანხმებული ჯამური ფასის საფუძველზე.
კომპანია არ არის ვალდებული აანაზღაუროს დამატებითი ხარჯები, თუ მომხმარებელმა აირჩია მიწოდების სხვა ფორმა, გარდა კომპანიის მიერ შემოთავაზებული ყველაზე იაფი ტიპის მიწოდებისა.
თუ კომპანიამ თავად არ შემოგთავაზათ საქონლის დამოუკიდებლად წაღება, მაშინ ნასყიდობის ხელშეკრულებებთან მიმართებით, კომპანიას შეუძლია შეაჩეროს თანხის ანაზღაურება საქონლის დაბრუნებამდე მანან სანამ მომხმარებელი არ წარადგენს მტკიცებულებას, რომ მან საქონელი უკან გამოაგზავნა, იმისდა მიხედვით თუ რომელი გარემოება დადგება უფრე ადრე.
ხელშეკრულების შეწყვეტის შემთხვევაში, კომპანიამ შეიძლება ხელი შეუშალოს მომხმარებელს პროგრამული უზრუნველყოფის ან ციფრული სერვისის გამოყენების გაგრძელებაში, კერძოდ პროგრამული უზრუნველყოფა ან ციფრული სერვისი გახადოს მომხმარებლისთვის მიუწვდომელი მომხმარებლის ანგარიშის გაუქმების/დეაქტივაციის გზით.
მომსახურების ღირებულება არ დაბრუნდება მომსახურების სრულად შესრულების შემდეგ, თუ შესრულება დაიწყო მომხმარებლის წინასწარი თანხმობით და იმის ცოდნით, რომ იგი დაკარგავს უარის თქმის უფლებას გამყიდველის მიერ ხელშეკრულების სრულად შესრულების შემდეგ. თუ მომსახურება უკვე გაწეულია, შესაძლოა მოთხოვნილ იქნას მხოლოდ პროდუქტის დაბრუნება და არა მომსახურების.
დამატებითი პირობები:
თუ პროდუქტი შეძენილია უნაღდო ანგარიშსწორებით, მაღაზია უგზავნის დაბრუნების მოთხოვნას ბანკს, რომლის კლიენტიც არის მყიდველი. თანხას მოვჭრე აბრუნებს 14 კალენდარული დღის განმავლობაში.