ნივთის დაბრუნება და შეცვლა

მოვაჭრის მონაცემები: შპს „მაისმარტი“-ს (ს/ნ 439871382)

მისამართი: _თბილისი, მამია გურიელის 5ა

საკონტაქტო ინფორმაცია: ელ.ფოსტა- mysmart.infocontact@gmail.com 

ტელ: 0322424590

კანონისმიერი გარანტია

• მოვაჭრე ვალდებულია მომხმარებელს გადასცეს ხელშეკრულებით გათვალისწინებული პირობების შესაბამისი საქონელი.

• თუ საქონელი ნაკლის მქონე აღმოჩნდა, მომხმარებელს უფლება აქვს, მოვაჭრეს მოსთხოვოს ნაკლის აღმოფხვრა (საქონლის უსასყიდლოდ შეკეთება ან შეცვლა, ფასის შემცირება) ან გავიდეს ხელშეკრულებიდან.
• საქონლის შეკეთება და შეცვლა მომხმარებლის პირველი რიგის უფლებებია. მომხმარებელს უფლება აქვს, მოვაჭრეს მოსთხოვოს საქონლის უსასყიდლოდ შეკეთება ან შეცვლა, გარდა იმ შემთხვევისა, როდესაც ეს, საქონლის ბუნებიდან გამომდინარე, შეუძლებელია ან არათანაზომიერ ან შეუსაბამოდ დიდ ხარჯს მოითხოვს.
• საქონელი შეკეთებული ან შეცვლილი უნდა იქნეს გონივრულ ვადაში, ისე, რომ მომხმარებელს არ შეექმნას მნიშვნელოვანი შეფერხება საქონლის ბუნებისა და იმ მიზნის გათვალისწინებით, რომლისთვისაც მან ეს საქონელი შეიძინა.

• ნაკლიანი საქონლის შეკეთების მოხდება 30 დღის ვადაში
• ნაკლიანი საქონლის შეცვლა მოხდება 10 დღის ვადაში

• საქონლის უსასყიდლოდ შეკეთება ან შეცვლა გულისხმობს მოვაჭრის მიერ ყველა ხარჯის (მათ შორის, ფოსტის, სამუშაო ძალისა და მასალების ხარჯების) გაწევას, რომლებიც საჭიროა საქონლის ხელშეკრულებით გათვალისწინებულ პირობებთან შესაბამისობის უზრუნველსაყოფად.
• მომხმარებელს უფლება აქვს, მოითხოვოს საქონლის ფასის შემცირება ან უარი თქვას ხელშეკრულებაზე, თუ არსებობს ერთ-ერთი შემდეგი პირობა:

ა) ამ მუხლის მე-3 პუნქტის შესაბამისად საქონლის შეკეთება ან შეცვლა შეუძლებელია;

ბ) მოვაჭრემ საქონელი გონივრულ ვადაში არ შეაკეთა ან არ შეცვალა და მომხმარებელმა ხელშეკრულების შესრულებისადმი ინტერესი დაკარგა;

გ) მოვაჭრის მიერ საქონლის შეკეთება ან შეცვლა მომხმარებელს მნიშვნელოვან შეფერხებას შეუქმნის.

• მომხმარებელს უფლება აქვს, ხელშეკრულებიდან გასვლის შემთხვევაში მოითხოვოს ხელშეკრულების შეუსრულებლობით მიყენებული ზიანის ანაზღაურება საქართველოს კანონმდებლობით დადგენილი წესით.
• მომხმარებელს არ აქვს უფლება, უარი თქვას ხელშეკრულებაზე, თუ საქონლის ნაკლი უმნიშვნელოა.
• იმის განსაზღვრისას, თუ რამდენად არათანაზომიერია ან შეუსაბამოდ დიდია ხარჯი, გათვალისწინებული უნდა იქნეს შემდეგი პირობები:

ა) საქონლის ან მომსახურების ფასი მისი ხელშეკრულებით გათვალისწინებულ პირობებთან შესაბამისობის შემთხვევაში;

ბ) საქონლის ან მომსახურების ხელშეკრულებით გათვალისწინებულ პირობებთან შეუსაბამობის ხარისხი;

გ) საქონლის ნაკლის მომხმარებლისთვის შეფერხების შექმნის გარეშე აღმოფხვრის ალტერნატიული შესაძლებლობა.

• მომხმარებელს უფლება აქვს, ისარგებლოს ზემოხსენებული უფლებებით, თუ ნივთის ნაკლი ნივთის მისთვის გადაცემიდან 2 წლის განმავლობაში აღმოჩნდა.

• თუ მომხმარებელმა საქონლის ნაკლი საქონლის მფლობელობაში მიღებიდან 6 თვის განმავლობაში აღმოაჩინა, საწინააღმდეგოს დამტკიცებამდე იგულისხმება, რომ ნაკლი არსებობდა საქონლის მიწოდებისას, თუ, საქონლის ბუნებიდან ან ნაკლის ხასიათიდან გამომდინარე, ეს შესაძლებელია. ამ შემთხვევაში მტკიცების ტვირთი მოვაჭრეს ეკისრება. თუ მომხმარებელმა საქონლის ნაკლი საქონლის მფლობელობაში მიღებიდან 6 თვის შემდეგ აღმოაჩინა, იმის მტკიცების ტვირთი, რომ ნაკლი არსებობდა საქონლის მიწოდებისას, მომხმარებელს ეკისრება.

 

• მოვაჭრე ვალდებულია შეაკეთოს ან შეცვალოს დაზიანებული ტექნიკა მოცემული პირობების შესაბამისად, სერვის-ცენტრში მიღების მომენტიდან 30 სამუშაო დღის განმავლობაში (არ შედის შაბათ-კვირა და ოფიციალური დასვენების დღეები)

 

! კანონისმიერი გარანტია არ ვრცელდება მეწარმე/იურიდიულ პირებზე.

არასამეწარმეო საყოფაცხოვრებო ტექნიკის სამეწარმეო დანიშნულებით გამოყენების შემთხვევაში, პროდუქტის კომერციული საგარანტიო ვადა განისაზღვრება 2 (ორი) თვით.

   უპირობოდ დაბრუნების პოლიტიკა

• მომხმარებელს უფლება აქვს ნივთის ჩაბარებიდან 14 კალენდარული დღის განმავლობაში დააფიქსიროს მოთხოვნა შეძენილი ნივთის უკან დაბრუნების თაობაზე. ვადა აითვლება მომხმარებლისთვის ნივთის მფლობელობაში გადაცემის მომენტიდან. ამ ვადის გასვლასთან ერთად, მომხმარებელი კარგავს ნივთის უკან დაბრუნების მოთხოვნის უფლებას.

• მომხმარებელი ვალდებულია აღნიშნულ 14 დღის ვადაში მოვაჭრეს აცნობოს უპირობოდ დაბრუნების მოთხოვნის თაობაზე ელ-ფოსტის მისამართზე: mysmart.infocontact@gmail.com ან Facebook-ის ოფიციალურ გვერდზე გაგზავნილ შეტყობინებაში. ასევე შეუძლია მითითებული მოთხოვნით დარეკოს ცხელ ხაზზე *0322424590 და აცნობოს საქონლის დაბრუნების განზრახვის შესახებ.

შეტყობინება უნდა შეიცავდე შემდეგ ინფორმაციას:

• მოვაჭრის სახელი, ფაქტობრივი მისამართი, ელ. ფოსტის მისამართი;
• შეკვეთის თარიღი;
• შეკვეთის მიღების თარიღი;
• მომხმარებლის სახელი და გვარი, ფაქტობრივი მისამართი;
• ფორმის შევსების თარიღი;

• ხელშეკრულებაზე უარის თქმის შემთხვევაში მომხმარებელი ვალდებულია:

ა) მოვაჭრეს ან მის მიერ განსაზღვრულ მესამე პირს დაუბრუნოს საქონელი ხელშეკრულებაზე უარის თქმის შესახებ შეტყობინების გაგზავნის შემდეგ დაუყოვნებლივ, მაგრამ არაუგვიანეს 7 კალენდარული დღისა;

ბ) გასწიოს საქონლის დაბრუნებასთან დაკავშირებული პირდაპირი (უშუალო) ხარჯი.

• ხელშეკრულებაზე უარის თქმის შემთხვევაში მოვაჭრე ვალდებულია მომხმარებელს გადახდილი თანხა, აგრეთვე არსებობის შემთხვევაში − მიწოდების ხარჯის ასანაზღაურებლად გადახდილი თანხა დაუბრუნოს სრულად, გაჭიანურების გარეშე, ხელშეკრულებაზე უარის თქმის შესახებ შეტყობინების მიღებიდან არაუგვიანეს 14 კალენდარული დღისა.

• მომხმარებელი ვალდებულია გასწიოს უკან დაბრუნების ხარჯი.

• უპირობოდ დაბრუნების უფლება არ ვრცელდება 30 ლარამდე ღირებულების პროდუქციაზე.

• თუ საქონლის გამოყენება მოხდა მომხმარებლის მიერ იმაზე მეტად რაც არ გულისხმობს საქონლის ბუნების და მახასიათებლების დადგენას საქონლის ღირებულება შემცირდება. წარმოშობილი სხვაობის დაფარვა დაეკისრება მომხმარებელს.

• ნასყიდობის ხელშეკრულებაზე უარის თქმის შემთხვევაში მოვაჭრეს უფლება აქვს, უარი თქვას თანხის დაბრუნებაზე მანამ, სანამ საქონელს არ დაიბრუნებს ან მომხმარებლისგან არ მიიღებს საქონლის გაგზავნის დამადასტურებელ დოკუმენტს, იმის მიხედვით, რომელიც უფრო ადრე განხორციელდება, გარდა იმ შემთხვევისა, როდესაც მოვაჭრემ თავად იკისრა საქონლის უკან წაღება.

• დასაბრუნებული საქონელი უნდა იყოს წარმოდგენილი სრული კომპლექტაციით, თავდაპირველ შეფუთვაში (არ იგულისხმება შეფუთვის გახსნა), საქონელთან ერთად წარმოდგენილი უნდა იყოს შევსებული საგარანტიო ბარათი  გადახდის ქვითართან ერთად.

• დაბრუნებულ საქონელს არ უნდა ჰქონდეს:

1) არასანქცირებული შეკეთების კვალი.

2) ფიზიკური დაზიანება.

• საქონელი ექვემდებარება დაბრუნებას, გარდა შემდეგი შემთხვევებისა:

• მიწოდებული საქონელი დამზადებულია მომხმარებლის სპეციფიკაციების შესაბამისად ან აშკარად პერსონალიზირებულია;
• მიწოდებული საქონელი მალფუჭადია ან მას მოკლე ვარგისიანობის ვადა აქვს;
• მიწოდებულია ჰერმეტულად დაცული საქონელი, რომლის ჰერმეტულობაც მიწოდების შემდეგ დაირღვა და ამდენად, მისი დაბრუნება შეუძლებელია ჯანმრთელობის ან ჰიგიენური ნორმების დაცვის გამო;
• მიწოდებულია საქონელი, რომელიც მიწოდების შემდეგ, მისი მახასიათებლების შესაბამისად, განუყოფლად შეერწყა სხვა საქონელს;
• მიწოდებულ იქნა დალუქული აუდიო ან ვიდეო ჩანაწერის ან პროგრამული უზრუნველყოფა, რომლის ლუქიც მიწოდების შემდეგ დაირღვა.

 

• თანხის დაბრუნება განხორციელდება იმავე გადახდის მეთოდის გამოყენებით, რომელიც მყიდველმა გამოიყენა დაბრუნებული საქონლის შესაძენად, გარდა იმ შემთხვევისა, როდესაც მომხმარებელმა მკაფიოდ შეათანხმა გადახდის სხვა მეთოდის გამოყენება. იმ შემთხვევაში თუ შეკვეთის ფორმაში შეტანილი საქონლის მიმღები და პირი, რომელმაც გადაიხადა ამ საქონლის ღირებულება ორი განსხვავებული პირია, მაშინ თანხა დაუბრუნდება გადამხდელს.

• მოვაჭრე ვალდებულია ნივთის უკან დაბრუნების შეტყობინების მიღებიდან 14 კალენდარული დღის განმავლობაში, უკან დაუბრუნოს მომხმარებელს მის მიერ გადახდილი თანხა. მოვაჭრეს უფლება აქვს, უარი თქვას თანხის დაბრუნებაზე მანამ, სანამ საქონელს არ დაიბრუნებს ან მომხმარებლისგან არ მიიღებს საქონლის გაგზავნის დამადასტურებელ დოკუმენტს, იმის მიხედვით, რომელიც უფრო ადრე განხორციელდება.

• თუ ჩვენი მხრიდან არ იქნება შემოთავაზებული საქონლის დამოუკიდებლად წამოღება, მომხმარებელმა უნდა გამოაგზავნოს საქონელი თავისი ხარჯებით ან გადმოგვცეს ჩვენ ან პირს, რომელიც ჩვენ მიერ უფლებამოსილია  საქონლის მიღებაზე, ზედმეტი შეფერხების გარეშე და ნებისმიერ შემთხვევაში თქვენ მიერ ხელშეკრულებიდან გასვლის შესახებ შეტყობინების დღიდან არაუგვიანეს 7 დღის განმავლობაში.

• თუ კომპანიამ თავად არ შემოგთავაზათ საქონლის დამოუკიდებლად წაღება, მაშინ ნასყიდობის ხელშეკრულებებთან მიმართებით, კომპანიას შეუძლია შეაჩეროს თანხის ანაზღაურება საქონლის დაბრუნებამდე მანან სანამ მომხმარებელი არ წარადგენს მტკიცებულებას, რომ მან საქონელი უკან გამოაგზავნა, იმისდა მიხედვით თუ რომელი გარემოება დადგება უფრე ადრე.

• მომხმარებელი პასუხისმგებელია საქონელისადმი არასათანადო მოპყრობის შედეგად საქონლის ღირებულების ნებისმიერ შემცირებაზე, გარდა იმ შემთხვევისა, როდესაც საქონლის ღირებულება შემცირდა ისეთი სარგებლობის შედეგად, რომელიც დაკავშირებულია საქონლის ბუნების, მახასიათებლებისა და ფუნქციონირების დადგენასთან.

• ხელშეკრულების შეწყვეტის შემთხვევაში მომხმარებელმა თავი უნდა შეიკავოს პროგრამული უზრუნველყოფის ან ციფრული სერვისით სარგებლობისა და მესამე პირებისთვის მათი მიწოდებისგან.

• მომსახურების ღირებულება არ დაბრუნდება მომსახურების სრულად შესრულების შემდეგ, თუ შესრულება დაიწყო მომხმარებლის წინასწარი თანხმობით და იმის ცოდნით, რომ იგი დაკარგავს უარის თქმის უფლებას გამყიდველის მიერ ხელშეკრულების სრულად შესრულების შემდეგ.

დამატებითი პირობები:

თუ პროდუქტი შეძენილია უნაღდო ანგარიშსწორებით, მაღაზია უგზავნის დაბრუნების მოთხოვნას ბანკს, რომლის კლიენტიც არის მყიდველი. თანხას მოვჭრე აბრუნებს 14 კალენდარული დღის განმავლობაში.

საქონლის მიწოდება

   შეძენილ ნივთს კლიენტი მიიღებს:  თბილისში შეკვეთის განხორციელებიდან 3 სამუშაო დღის განმავლობაში, ხოლო რეგიონში 5 სამუშაო დღის განმავლობაში. (გარდა ფორსმაჟორული სიტუაციებისა,  პარტნიორი საფოსტო კომპანიების პოლიტიკის შესაბამისად)

   ნივთის მიწოდების საფასური გამოითვლა ხდება ნივთის პარამეტრების კერძოდ: წონისა და მოცულობის მიხედვით, პატრნიორი საფოსტო კომპანიების ტარიფების შესაბამისად (პარტნიორი საფოსტო კომპანიები: საქართველოს ფოსტა და ონვეი), რაზეც კლიენტი ინფორმირებული უნდა იყოს ნივთის შეძენისას, გარდა იმ შემთხვევებისა როცა კომპანია საკუთარ თავზე იღებს შეძენილი პროდუქციის მიწოდებას კლიენტისათვის.